KAVITHAIYIN KADHALAN SIVAKUMAR KAVITHAIGAL

அம்மா

• நான் வாசித்த
  முதல் கவிதை
  அம்மா !

• நான்
  கருவறையில்
  இருந்தபோதே
  என்னைக்
  காதலித்தவள்
  என் அம்மா !

• எனக்கு உயிரோட்டம்
  கொடுத்தவளைப் பற்றி 
  நான் உச்சரித்த 
  முதல் வார்த்தை 
  அம்மா !
  

• ஒரே பிரசவத்தில்
  இரண்டு குழந்தைகள் 
  நானும் என் தாயும்…

• அளவுக்கு மிஞ்சினாலும்
  நஞ்சு ஆகாது 
  அம்மாவின் பாசம்…

• பத்து மாதம் சுமந்தவளுக்கு பரிசாய் கிடைத்தது 
  பச்சிளம் குழந்தையின் 
  புன் முறுவல்…

• பசியென கேட்காத வயதில்… 
  என் பசியைப் போக்கிய 
  அண்ண பூரணி ! 
  அம்மா !

• கூட்டத்தில் இருந்தபோதும் யாருக்கும் பயமில்லை 
  பளிச்சென முத்தம் 
  கொடுத்தாள்… 
  தாய் தன் சேய்க்கு…

• இன்றைய பொழுது இனிதாய் இருக்கும் 
  உன்னை நினைத்து 
  துயில் எழுந்தாள்…

• புதுப்பேனா வாங்கி 
  எழுதிப் பழகினேன்… 
  என் பெயரையல்ல 
  அம்மாவின் 
  பெயரை…

• மகிழ்ச்சியுடன்
  ஏற்றுக்கொள்வேன்… 
  எனது மரணம் 
  உனது மடியில் 
  என்றால்…

• கருவறையில் என்னை 
  சுமந்தவளுக்கு
  கடைசி இடம் 
  கல்லறையென்றால்… 
  முதலில் 
  நான் இறக்கிறேன்… 
  கல்லறையில் அவளை
  சுமப்பதற்க்காக…